Кулланучы почмагын тулыландыру турында нәрсәләр белергә кирәк?

Эшмәкәрләрнең берсе менә нәрсәләр сөйләде:

— Көтмәгәндә билгесез номердан шалтырату килде, хатын-кыз үзен кулланучылар
хокукларын яклау буенча иҗтимагый оешма белгече буларак таныта, якын арада барлык
хуҗалык итүче субъектлар да тикшереләчәк. Иске кулланучы почмагы урынына
кулланучының яңа почмагын бизәү өчен сезгә ашыгыч рәвештә басма продукция сатып
алырга кирәк, — ди ул. Һәм шунда ук түләү өчен счет җибәрә.

Эшмәкәрләр бу тәкъдимне җентекләп өйрәнмәячәкләр һәм административ җаваплылыкка
тартылмас өчен тәкъдим ителгән басма материалларны 3500-5000 сумнан артык бәягә
сатып алачак, ә Кулланучылар почмагы өчен 2-3 китаптан торган кирәкле басма
продукциянең бәясе 200 сум тирәсе тәшкил итә.

Эшмәкәрләр мондый хәлләргә эләкмәсен өчен, Татарстан Республикасы Дәүләт алкоголь
инспекциясенең Яр Чаллы территориаль органы белгечләре хәбәр итә:

— Контроль органнары рәсми җәмәгать графигы буенча һәм язмача хәбәр ителгәннән соң
гына тикшерү белән килергә мөмкин. Тикшерү графигы белән сайтта танышырга мөмкин:
https://proverki. gov. ru/portal.

Кулланучы почмагын рәсмиләштерү төрле булырга мөмкин бу хакта законнарда төгәл
күрсәтмәләр юк. Анда урнаштырылган мәгълүматның ачык һәм аңлаешлы формада
күрсәтелүе мөһим.

Кулланучы почмагында нәрсәләр булырга тиеш:

1. Сатучы һәм башкаручы турында мәгълүмат:

— сатучының яки башкаручының, шулай ук вәкаләтле компаниянең яки шәхси эшмәкәрнең
фирма исеме, урыны һәм эш вакыты;

— сатучы яки башкаручы алып барган эшчәнлекнең төре турында мәгълүмат, әгәр ул
лицензияләнергә тиеш булса яки башкаручы дәүләт аккредитациясенә ия булса;

— лицензия номеры һәм аның гамәлдә булу чоры турында мәгълүмат, әгәр сатучы яки
башкаручы тарафыннан башкарылган эшчәнлек төре лицензияләнергә тиеш булса,
лицензия биргән орган турында мәгълүмат;

— дәүләт аккредитациясе турында таныклык номеры, аның гамәлдә булу чоры, шулай ук,
әгәр башкаручының дәүләт аккредитациясе булса, таныклык биргән орган турында
мәгълүмат.

2. Кулланучылар хокукларын яклау өлкәсендә норматив документлар:

Беренче чиратта бу РФ 1992 елның 7 февралендәге 2300-1 номерлы Кулланучылар
хокукларын яклау турындагы Законы. Моннан тыш, товарлар сату яки хезмәт күрсәтү
Кагыйдәләрен тәкъдим итәргә кирәк булачак. Мәсәлән: Россия Хөкүмәтенең 2020 елның
31 декабрендәге 2463 номерлы карары белән расланган товарларны ваклап сату
Кагыйдәләре.

Документларның тулы исемлеге компаниянең яки эшмәкәрнең кайсы өлкәдә эшләвенә
бәйле.

Барлык килеп туган мәсьәләләр буенча Татарстан Республикасы Дәүләт алкоголь
инспекциясенең Яр Чаллы территориаль органы эчке базарны үстерү һәм координацияләү
бүлегенең кайнар линия телефонына мөрәҗәгать итүегезне сорыйбыз: 71-43-03.

Татарстан Республикасы Дәүләт алкоголь инспекциясенең
Яр Чаллы территориаль органы