2026 елдан россиялеләр пенсиягә гариза язмыйча да чыга алачак

РИА Новостига сенатор Ольга  Епифанова хәбәр иткәнчә, социаль фонд пенсия яшенә җитәргә бер ай кала түләүләрне мөстәкыйль билгеләячәк, гражданнарга пенсия күләме һәм киләчәктә түләүләрне арттыру өчен аны кичектерү мөмкинлеге турында хәбәр итәчәк.

Кичектерүне социаль Фондка тиешле гариза биреп алырга мөмкин булачак, дип өстәде сәясәтче.

«2026 елда картлык буенча пенсиягә чыгу хокукына 15 ел стаж һәм 30 шәхси пенсия коэффициенты булганда 59 яшьлек хатын-кызлар һәм 64 яшьлек ир-атлар ия булачак», – дип хәбәр итте Епифанова.