Актаныш районы делегациясе Ватанны саклаучылар көнен республикакүләм бәйрәм итүдә катнаша

Бәйрәм чарасы «Казан Экспо» Халыкара күргәзмәләр үзәгендә уза

, анда Бөек Ватан сугышы музей-мемориалы һәм Татарстан Республикасы Милли музее оештырган стенд күргәзмәсе эшли. 

«Татарстан – җиңүнең тыл базасы» дип аталган Экспозиция Татарстан АССРның фашист Германиясен тар-мар итүгә керткән өлешенә багышланган. Күргәзмә сугыш батырлыклары турында гына түгел, республика халкының хезмәт батырлыгы турында да сөйли. Авыл хезмәтчәннәре, медицина хезмәткәрләре, халыкның төрле катлаулары вәкилләре – барысы да фронт белән тыгыз бәйләнгән тылда эшләп, уртак җиңүгә бәяләп бетергесез өлеш керттеләр.

Бәйрәм кунаклары игътибарын Муса Җәлилнең атаклы «Моабит дәфтәрләрен» Милли музейдан читтә күрү мөмкинлеге җәлеп итә. Татар шагыйренең фашист төрмәсендә иҗат иткән бу кулъязмалары батырлык һәм сыгылмас ихтыяр символына әверелде. 

Әфган һәм Чечен сугышлары ветераннары, шулай ук махсус хәрби операциядә катнашучылар зур кызыксыну белән экспозиция белән танышты. Алар ата-бабаларның батырлыклары турындагы истәлекләрне саклауның һәм бу белемнәрне яшь буынга тапшыруның мөһимлеген билгеләп үттеләр. 

Чара Ватанны саклаучыларга хөрмәт күрсәтү генә түгел, ә илебезнең көче – буыннар бердәмлегендә һәм дәвамлылыгында икәнлеген искәртү дә булды.