Язгы кыр эшләре көндәлеге

Авыл хуҗалыгы һәм азык-төлек идарәсеннән алынган оператив мәгълүматлардан күренгәнчә, 11 майга район буенча тиешле мәйданнарның 43098 гектарында чәчү эшләре башкарылган. Шуның 33834 гектарын бөртекле һәм кузаклы культуралар тәшкил итә. Арпа – 13799, бодай – 14299, солы – 1652, борчак – 3070, вика – 72, кукуруз бөртеккә –942, терлек азыгы культурасы 5983 гектарда чәчелгән. 3281 гектарда техник культура орлыклары җир куенына иңдерелгән.