ХЕЗМӘТЕГЕЗ ӨЧЕН РӘХМӘТ: Назыйф Хәйруллин

- Гомерем буе Нур Баян исемендәге хуҗалыкта хисапчы булып эшләдем. Колхоздан, авылдан беркая да китмәдем. Шушы колхозда намус белән эш башкардым. Халык белән аралашып, уртак тел табып эшләдем. Хисапчы - колхозның йөрәге ул. Алар бер тиен өчен җанын бирергә әзер. Мин дә һәр тиен өчен көрәшеп хезмәт куйдым. Эшләгән чорда безнең колхозга икътисадчы кирәк булды. Актанышка барып сөйләштем. Менә укып кына кайткан бер иптәш бар, шуны җибәрәбез, диделәр. Бу иптәш Фарис Фәтхиев иде. Аның белән дә уртак тел табып, аңа киңәшләремне биреп, шактый еллар бергә эшләдек. Ул үзен бик оста хисапчы итеп танытты. Шәкертемнең шундый уңышларга ирешүенә сөенеп яшим.