ХЕЗМӘТЕГЕЗ ӨЧЕН РӘХМӘТ: Инзилә Гарипова

- Колхозда хисапчы төп фигураларның берсе булып тора. Беренчесе директор булса, икенчесе - хисапчы. Чөнки хуҗалыкта нинди генә хәлләр булса да, алар җавап бирә. Мин үзем 1977 елда "Агыйдел" колхозында хисапчы ярдәмчесе булып эшли башладым. Өч бригада бар иде. Эш бик күп. Чөгендер, бәрәңге игелә иде. Хәзер тормышлар үзгәрде, җиңеләйде, компьютер килеп керде. Тиеннәрне исәпләп эшләсәң генә хуҗалык алга бара. Без инде белгечләр белән шулай санап, үзебезнеке дип эшләргә өйрәндек. Бүген эшкә килгән яшьләргә барлык мөмкинлекләр дә бар. Өстәп пособиесен дә, субсидиясен дә бирәләр. Отпускны да вакытында алабыз. Хуҗалыкта хезмәт куючыларның барысын тигез күреп, уртак тел табып эшләсәң, уңышларга ирешергә була дип исәплим.