Районыбызның агрегат заводы коллективы Актанышның иске зиратына өмәгә чыкты (фоторепортаж)
Карлар эреп җир өсте кипшерүгә мәңгелек йортларыбызда-зиратларда өмәләр башланып китте. Күмәк җыештыруларга хезмәт коллективлары да кушылды. Бүген Актанышның агрегат заводы ир-егетләре РТС бистәсендәге иске зиратны тазартырга өмәгә чыкты. Коллективка койма буйлап 150 метр аралыкны чистарту бурычы куелган.
Өмәгә ике сменада эшләүчеләр җәлеп ителгән.
Өмәчеләр күпләп, бер-берсенә буталып, чорналып үскән куак- агачларны төплиләр. 
Киселгән куакларны җыеп, берләштереп трактор арбасына төяп торалар.
Шунысы яхшы, Актаныш авыл башкарма комитеты чүп-чарны түгү өчен алдан ук техника билгеләгән. Шуңа күрә өмәдә бернинди тоткарлык, өзеклек юк.
Ә сезнең җирлектә зират өмәләре башландымы, халык әлеге гамәлгә актив кушылдымы?
Следите за самым важным и интересным в Telegram-каналеТатмедиа
Нет комментариев