Котлаулар
Актаныш авылында гомер итүче ХӨЛЛИЯ ГАЛИМҖАН кызы БӘХТИЕВА 8 гыйнвар көнне үзенең гомер бәйрәмен каршылый
Ямьле Ирмәш авылында туып, бүгенге көндә Актаныш авылында гомер итүче кадерле тормыш иптәшем, әниебез ХӨЛЛИЯ ГАЛИМҖАН кызы БӘХТИЕВА 8 гыйнвар көнне үзенең гомер бәйрәмен - 65 яшьлек юбилеен каршылый.
Кадерлебез, сине ихлас күңелдән матур юбилеең белән котлыйбыз. Син безнең таяныч та, ышаныч та, яклаучыбыз да. Әтиебез белән безне кадерләп үстереп, үз юлыбызга аяк басарга булышканыгыз, йөрәк җылысы белән кайгыртканыгыз, гаделлеккә өйрәткәнегез өчен зур рәхмәт.
Әниебез! Сиңа озын гомер, бәхет-шатлыклар, җан тынычлыгы, тән сихәте, саулык-сәламәтлек телибез. Сабыр холыклы, мәрхәмәтле, кадерледән кадерле син. Кайгы-хәсрәт күрми, изге күңелле, ярдәмчел, балаларыңның һәм оныкларыңның игелеген күреп, әти белән бергәләп, озын-озак яшәргә насыйп булсын сезгә. Рәхмәтләргә һәм рәхәтләргә төренеп яшә.
Сөйкемле карашың кояшка тиң -
Бар тормышны нурга күмәсең.
Бу дөньяның барлык хикмәтләрен
Бары тик син генә беләсең.
Тормышта гел ярдәм итеп тора
Зирәк киңәшләрең, җылы сүзең;
Иркәлисең, яратасың, юатасың,
Тыңлыйсың да, аңлыйсың да үзең.
Сәламәтлек, озын гомер язсын,
Гел көләч һәм яшь бул хәзергечә!
Күңелең синең күтәренке булсын,
Сөенеп һәм сөендереп мең-мең яшә!
Бу теләкләргә кода-кодагыйларыгыз да кушылалар.
Нет комментариев