Карт авылында яшәүче НАИЛӘ МИРШӘЕХ кызы ХУРАМШИНАның 95 яшьлек гомер бәйрәме

Әниебез! Сине олуг бәйрәмең белән ихластан котлыйбыз. Бүгенге көндә үз аякларыңда йөреп, үз күзләрең белән күреп, без - балаларыңның, оныкларыңның һәрберсенең уңышларына сөенеп, дөнья рәхәтлекләренә куанып, һәр туган көнгә рәхмәт әйтеп яшәвең белән без бик бәхетле. Гомер юлың якты өлге итеп куярлык үрнәк булды. Таләпчән, көчле рухлы булып эшләдең, ихтирамлы булдың. Безгә биргән яхшы тәрбияң, кайгыртуың өчен мең рәхмәт сиңа. Хәзер дә хәер-фатыйхаңнан аермый, безне уйлап, кайгыртып яшисең. Киләчәктә дә безнең игътибарны тоеп, Аллаһы Тәгалә биргән гомереңнең һәр көненең кадерен белеп, сәламәтлектә, иман байлыгын юлдаш итеп, хәерле, тыныч картлыкта гомер кичерергә язсын.