Качкын авылында яшәүче ӘСМА БАСТАН кызы КАШАПОВАның 5 декабрьдә 55 яшьлек юбилее

Качкын авылында яшәүче туганыбыз һәм гаилә дустыбыз ӘСМА БАСТАН кызы КАШАПОВАның 5 декабрьдә 55 яшьлек юбилее.

Хөрмәтлебез! Сине ихлас күңелдән матур юбилеең белән котлыйбыз. Сиңа гомернең иң озынын, бәхетнең иң зурысын, шатлыкларның иң олысын юллыйбыз, балаларыңның һәм оныкларыңның күңел җылысын тоеп, игелекләрен күреп, Фидәесең белән бәхетле озын гомер кичерүеңне телибез. Якты ал таңнар, зәңгәр күкләр синең күңелеңне һәрчак яктыртсын, балкытып торсын. Таң җилләренең назлысы, җан тынычлыгы, чиксез бәхетләр, эшеңдә зурдан-зур уңышлар, яхшы күтәренке кәеф юлдаш булсын сиңа.

Син һәрвакыт яхшы күңелле, сабыр, кешелекле, олы җанлы, ярдәмчел, ягымлы, абруйлы киңәшче, шуңа күрә дә үзең олы ихтирам казангансың. Бөтен гомереңне, көчеңне балалар тәрбияләү өчен биргән гүзәл зат буларак, эчкерсезлегең, ихласлыгың, ягымлылыгың белән кешеләр күңелен яуладың, һәрвакытта да шулай шат, көләч йөзле, изге күңелле булып кал. Тормыш юлың күпләргә үрнәк. Без сине хөрмәт итәбез, яратабыз.

Декабрь салкыннарында туган булсаң да, дусларыңа җылылык бирә торган кайнар йөрәгеңә тагын да көч-куәт өстәлсен. Кышкы тәрәзәләрдәге бизәкләрдәй, күңелең матур, даладай киң булсын.

55 ел узып киткән

Сизми-сизелми генә.

Тормыш юлын синең кебек

Матур үтәр кем генә…

Син бәхетле: гаиләң тигез,

Инсафлы балаларың.

Кылган гамәлләре белән

Кабатлый аналарын.

Акыллы да, сабыр да син,

Тыйнак һәм итагатьле.

Гомерең буйларына сау-сәламәт,

Булсаң иде чиксез бәхетле.

Гөрләп яшә, картаюны белмә,

Куанып яшә һәр көнгә.

Күңелең синең һәрчак шулай

Ачык булсын һәркемгә.

Без телибез ак бәхетләр

Туасы һәр көнеңә.

Зур сәләтең, эш сөюең,

Гадилегең сүнмәсен.

Әйбәтлегең, игелегең

Гомергә сүрелмәсен.